ဖြစ်ချင်တာတွေ များလွန်းသူတစ်ယောက်: အငြိမ့်

အငြိမ့်

မူပိုင် Chocolaier at 9:52 PM

အိမ်မှာ ညီမ၀မ်းကွဲတစ်ယောက်က ကျောင်းပွဲအတွက် အငြိမ့်ကပေးဖို့ အကကျင့်နေတယ်။ သူကနေတာကိုကြည့်ရင်း အငြိမ့်အကြောင်း စဉ်းစားမိတယ်။ အခုခေတ်မှာ အငြိမ့်ဆိုတာနဲ့ လူရွှင်တော် ဘယ်သူတွေလဲလို့ အရင်မေးကြတယ်။ မင်းသမီးကို စိတ်မ၀င်စားကြတော့ဘူး။ မင်းသမီးကတဲ့ အခန်းကိုလည်း ကျော်ကြည့်လိုက်ကြတာများတယ်။ ဘာလို့ပါလိမ့်။ အခုမင်းသမီးနဲ့ အရင်မင်းသမီးတွေ ဘာကွာလို့ပါလိမ့်။

မင်းသမီးအကဆိုတာလည်း ကကြည့်မှ တော်တော်ခက်မှန်းသိရတာပါ။ သူတို့ ကနေကြတာတော့ ပေါ့ပေါ့လေးနဲ့ ကြွကြွရွရွ လှနေတာပဲ။ တကယ်ကဖို့သင်ရတော့မှ ချွေးပြိုက်ပြိုက်ကျရတော့တာပဲ။ ဒီလောက် ပင်ပင်ပန်းပန်းသင်ထားရတဲ့ အကကို ကြည့်တဲ့သူတွေက ကျော်ကြည့်တယ်ဆိုတော့ စိတ်မကောင်းစရာပါ။ အငြိမ့်မှာ လူရွှင်တော်တွေသာ အရေးပါတဲ့အရာတစ်ခု ဖြစ်လာနေပါတယ်။

အရင်ကရော ဒီလိုပဲလား။ အငြိမ့်မင်းသမီးကြီးတွေ ဘယ်လောက်ကျော်ကြားခဲ့လဲ၊ သူတို့သီချင်းတွေ အကတွေ အခုထိရှိနေသေးတာကို ကြည့်ရင်သိသာပါတယ်။
လေဘာတီမမြရင်၊ မြခြေကျင်းမငွေမြိုင်၊ ယူနီဗာစတီ မြသန်းကြည်၊ ဆီးမီးခွက်မငွေလှိုင် အများကြီးပါ။
သူတို့ကို မမှီလိုက်ပေမယ့် ယိုးဒယားပြန်အမာစိန်၊ ဆိုဗီယက်ပြန်နွဲ့နွဲ့စန်းတို့ရဲ့ အငြိမ့်တွေကို ငယ်ငယ်က ကြည့်ရဖူးပါတယ်။
နောက်တော့ အေးအေးမြင့်၊ သီတာဝင်း။

အားလုံးထဲမှာ မှတ်မှတ်ရရရှိခဲ့တာက နွဲ့နွဲ့စန်းအငြိမ့် မြန်မာ့ရုပ်မြင်သံကြားက လွှင့်တာပါ။ အဲဒီအငြိမ့်လေးမှာ သူကတာကို အစအဆုံးကြည့်မိပါတယ်။ ကိုယ့်ကိုကိုယ်တောင် အံ့သြသွားပါတယ်။ ဘာကများ ဒီလောက်စွဲဆောင်နိုင်ခဲ့လဲလို့ ပြန်တွေးမိတော့...
နွဲ့နွဲ့စန်းက အကလေးကို အပိုင်းလေးတွေခွဲပြီးတော့ ကပြပါတယ်။
ပထမဆုံးမှာ မျက်နှာကို အသားပေးတဲ့ အက...
နောက်တော့ ပုခုံး...
နောက် လက်... ၊ ခါး... ၊ ခြေထောက်...
အဲလိုခွဲခွဲပြီးတော့ ကသွားပါတယ်။ အဲဒီတော့ ကြည့်တဲ့လူကလည်း ဘာများကွာသလဲ။ ဘာများထူးခြားသလဲနဲ့ စိတ်ဝင်စားမိပါတယ်။ အဲဒါကိုက မင်းသမီးတွေရဲ့ ပညာနဲ့တူတယ်။ အခုမင်းသမီးတွေမှာတော့ မတွေ့ရတော့ပါဘူး။ ရှားရှားပါးပါး တစ်ခါတော့ တွေ့လိုက်ရပါတယ်။

ရှုမ၀အငြိမ့်ဆိုပြီး နာမည်စကြီးတဲ့ နံပါတ် ၁ မှာထင်ပါတယ်။ မင်းသမီးက ယူနီဗာစတီရွှေနှင်းဆီရဲ့ မှုန်ရွှေရည် မိုင်ဒါလင်ဆွိတီ ဆိုတဲ့ သီချင်းကို အသက်အရွယ် (၃)မျိုးမှာ ကပုံသုံးမျိုးဆိုပြီး ကပြသွားပါတယ်။

ပထမဆုံး မင်းသမီးဖြစ်ကာစ ငယ်ရွယ်ဖြတ်လတ်တဲ့ အရွယ်ရဲ့ သွက်သွက်လက်လက် အက...
ဒုတိယ နာမည်ကြီးပြီး တည်ငြိမ်လာတဲ့ အရွယ်ရဲ့ ငြိမ့်ငြိမ့်လေးနဲ့ လှလှလေးအက...
နောက်ဆုံး အသက်ကြီးလာပြီး သိပ်မကနိုင်တော့တဲ့ အရွယ်ရဲ့ ခေါင်းလေးခါခါနဲ့ သီချင်းကိုပါ အသံကိုတုန်ပြီး ဆိုပြသွားတဲ့အက...

အခုထက်ထိ အဲဒီအကကို မမေ့ပါဘူး။

အဲလိုမင်းသမီးမျိုးတွေ ရှိရင်တော့ အငြိမ့်တွေမှာ အကတွေကို ကျော်မကြည့်လောက်ဘူးလို့ ထင်ပါတယ်။ ဘာပဲပြောပြော အငြိမ့်ဆိုတဲ့ သဘင်ပညာကိုတော့ မပပျောက်စေချင်တာ အမှန်ပါ။ မင်းသမီးကောင်းကောင်းနဲ့ သီချင်းကောင်းကောင်းလေးတွေ ကနိုင် ဆိုနိုင်ကြရင် ဘယ်လောက်များ ကောင်းလိမ့်မလဲနော်။

P.S. ချိုကိုဆိုတဲ့ ကောင်မလေးတစ်ယောက်ရဲ့ အတွေးနဲ့ ခံစားချက်တွေပါ။ ပညာရှင် ရှုထောင့်ကကြည့်လို့ ရယ်ချင်စရာ ဖြစ်နေရင် ခွင့်လွှတ်ပါလို့။ အငြိမ့်မင်းသမီးတွေ ကတာကို မကြည့်ချင်ကြတာဘာလို့ပါလိမ့်လို့ စဉ်းစားမိပြီး ရေးလိုက်တာပါ။ လိုတာရှိရင် ပြောနိုင် ဆူနိုင်ပါတယ်။

6 ချက်ခုန်သွားတဲ့ ရင်ခုန်သံ:

s0wha1 said...

ညီမလေး ပြောမှ အငြိမ့်တောင် ကြည့်ချင်လာပြီ...

June 5, 2007 at 12:53 PM

ကလိုစေးထူး said...

တချို့မင်းသမီးလေးတွေတော့ အက ကောင်းကြပါတယ်ကွ။ အခု အပိတ်ခံထားရတဲ့ သီးလေးသီးရဲ့ ဆေးရောင်စုံ အငြိမ့်က မင်းသမီးလေးတွေလဲ ကတာ ကောင်းကြသား။ လူရွှင်တော်ကို အရင်မေးကြတာကတော့ ဟာသတွေနဲ့ ပျော်ပျော်ရွှင်ရွှင်ရယ်ချင်နေတဲ့ စိတ်က ပိုသွားတာနေမှာပါ…။

June 6, 2007 at 8:48 AM

Chocolaier said...

အဲဒီအငြိမ့်လေ.. ကြည့်ချင်လွန်းလို့ မိုးမခက မှာလိုက်တာ လိပ်စာမှားပေးမိလားမသိဘူး။ အခုထိရောက်မလာဘူး။ ၆လ ကျော်နေပြီ။ :( အားလုံးပေါင်း S$၃၂ ဖိုးတောင်... ဟင့်

June 7, 2007 at 1:21 AM

s0wha1 said...

ညီမလေးရေ...မိုးမခအကြောင်း အန်တီငြိမ်းကို မေးကြည့်...ကူညီနိုင်မယ်ထင်တယ်...

June 9, 2007 at 10:10 AM

WINDOOR said...

Please contact to maungyit@gmail.com who is a laeder of Moe ma ka team.Thanks for ur Interest in white rainbow &4 fruits anyient.

June 26, 2007 at 5:22 AM

Chocolaier said...

I got the DVD from MoeMaKa... in case my comment defame moemaka online shopping anyhow, I am sorry for writing without thinking properly

June 16, 2009 at 10:14 PM